A Weinprobe en Trier

Onte sábado fun a unha Weinprobe (Cata de viños) á adega máis antiga de Alemaña a Vereignite Hospiten Sancti Jacobi, xa vedes algo a ver comigo hehehe, aló fomos e había unha lista de 30 viños Riesling.

Pero o mellor de todo foi cando pasamos ao final da Adega e aló fomos catar viños de outra categoría, avellentados e de colleitas de autor. Eu non son, nin moito menos experto na materia, pero cando porbamos un viño que custaba 180€ a botella, era unha expectación terríbel, puxéronsemes os pelos crechos e ummmmm que rico sabía...O viño este chamábase Scharzhofberger do 2005

E claro despois de tanto viño o mellor foi rematar e ir tomar o sol ao Parque do Mosel.
Tiñamos que descansar a tella que levabamos.

Bicos e apertas

Concertazo en Trier

Boas, hoxe quérovos anunciar o megaconcerto de Trier. O vindeiro 11 de xuño teremos a The Homens de Santiago e a Neo de Trier nunha espectacular noite de Rock ao vivo nunha marabillosa sala de Trier a Exhaus. Aínda quedan entradas á venda polo que xa sabedes...Powerpop con The Homens...si señoras e señores aquí en Alemaña, por vez primeira...
Bicos e apertas

Chega a hora da miña Rúa

Ben, agora presentareivos a miña Rúa, a Bollwerkstraße, tamén coñecida familiarmente heheh como a "Rotstraße" e xa veredes pola fotos a razón deste popular nome.
É unha rúa cativa a carón da Casa do Concello(Rathaus) e paralela á Karl Marx Straße e se a alguén lle interesa, á carreira dun can das termas romanas de Bárbara ou as de Viehmarkt.

Como vedes está no centro e moi a man para calquera cousa...É unha zona chea de sex Shops, casas de vicio e perversión e como non Pubs e unha panadaría...

Por certo a miña casiña é esta que se ve na cima do Bistro Le Mambo heheh, algunhas cousas non cambian...

Solución ao Edificio que vos preguntei...

Aínda ninguén me dixo nada do edificio que está ao carón da miña casa e mesmo ninguén pediu papas...mais aquí vos vai a solución...É o que lle chaman o Hochbunker, ou sexa un Bunker da II Guerra Mundial que non puideron ou non quixeron destruír. A verdade que o edificio impresiona, e eu que paso todos os días baixo a súa sombra...Actualmente emprégase coma almacén do Concello. Seguro que non lles entra ninguén hehehe.

Bicos e apertas

Hauptmarkt

Ben hoxe imos ver a Hauptmarkt ou a Praza do mercado, onde en tempos estaba a Rathaus, a Casa do Concello. A actual Casa do Concello está noutro lugar ao carón do edificio que vos amosei o outro día. A antiga Rathaus é ese edificio branco e alto que vedes na 2ª foto o da esquerda, é unha reconstrución, xa que na II Guerra mundial unha inmensa maioría da cidade foi bombardeada, case a diario polas chamadas forzas aliadas. Na actualidade esta praza é o centro da cidade e ai é onde se sitúa o mercado diario das flores e o mercado de nadal, na época de nadal, Klar!!! É unha praza moi chusquiña e moi bonita coas súas historias que contarei outro día.

Bicos

Trier Stadt ou Trier Ort

Ben, hoxe vou comezar unha serie que me vai levar polos meus sitios favoritos de Trier e aqueles outros que sen ser favoritos si que teñen un algho que os fai interesantes e dignos de ser vistos por vós.
Espero ser constante nas entradas e deixarvos con ganas de virdes visitalos en directo.

Comezarei hoxe cunha construción que se ve desde a miña casa, alguén me podería dicir o que é??